حب الصعيدي الكاتبة فاطمة (من الفصل التاسع عشر إلى الفصل الرابع والعشرون)
بنت ابويا صعيدية من النخاع ومش اتربيت على الخسارة ولا الهزيمة ومش عندنا حاجة اسمها استسلام واللى انا جاية عشانة ححققة
وليد ايوة كدة يابنت خالتى
جواد بحزن يعنى هتروحى عند اهل ابوكى
حب لا هروح عند جدى صبرى اصل كركر واحشتنى اوى ههههه
جواد بفرحة بجد هتيجى عندنا
حب ايوة بس يعرفو ان بنت امنة بنتهم
جواد ماتشغلش بالك هكلم جدى يقولهم قبل لم نوصل.
وليد هههههه دة يابت رجل المهام الصعبة ههه
جواد اتريقو اتريقو انتو مش عارفين انا كنت بواجة المۏت ازى في كل عملية بطلعها بكون عامل حسابى ممكن ارجع منها شهيد وساعتها هتفتخرو بيه بجد
حب پخوف بعد الشړ عليك احنا بنضحكو معاك هههه
حب الحمدلله انك بخير
جواد طب هنخرج وجهزى نفسك عشان تروحى معانا
حب طب حاجتى عند جدو
جواد ممكن جدك يبق يبعتهم عندنا هخلى جدى يكلمة ويعرفة اصلا انك هتروحى معانا
بعد ساعة تركت حب المستشفى وتوجهت إلى بيت العزازى...
الحاج صبرى خبر الجميع ان حب هي ابنة بنتة امنة فمنهم من فرح ورحب بالخبر ومنهم من ڠضب.
تحدث الحاج صبرى مع الحاج عبدالرحيم واخبرة ان حب سوف تذهب الى هناك لتستقر الأحوال بين العيلتين وفرح عبدالرحيم بهذا الخبر واطمن قلبة ان حب سوف تبعد عن مواجهة عامر وسوف يبعت لهم شنطة ملابسها إلى بيت العزازى.
في بيت العزازى
دخل البيت جواد بصحبة حب ووليد
رحبت بها الجدة
كريمة ياجلب ستك سلامتك ياجلبى ياريتنى انا بدالك وانت لا ياضنايا
قمر بفرحة نورتى موطرحك يابت عمتى
بدر اتوحشتك ياعسل كيف صحتك دلوك
حب بابتسامة الحمدلله واحشتونى اوى
حكم مرحب بيكى وسط اهلك وناسك وسلامتك يابتى
حب الله يسلمك ياخالى حضرتك مش مدايق من وجودى.
حكم وها كيف وانتى بت خيتى الزغيرة صوح زوعلان من خيتى لم هربت زمان بس انتى مالكيش صالح عاد ومصارين البطن بتتعاركو
صبرى نورتى دارك موطرحك يابتى وامك غالية جوى كلهاتنا نعزوها وخالك رضى عنيها لم خد خبر بمرضها هي خيتو والدم عمرة مايبج مية اطلعى ريحى مع البنتة
في قاعتك زى ماهملتيها
حب تنظر إلى جمال وكامل لم اخواتى الرجالة يقبلونى وسطيهم.
كامل نورتى بيت جدك يا خيتى
نعمة پحقد سلامتك يابتى كفلنا الشړ مش احسن دلوك انتى وارثة المړض عن اماكى ياضنايا
حب بابتسامة الحمدلله كويسة ومش عيب لم اورث حاجة من امى حتى لو كان مرض دة فضل من عند ربنا
جمال بتردد كيفك يابت عمتى
حب بابتسامة كويسة ياابو ادهم
جواد قمر اطلعى مع حب
قمر وبدر تعالى ياخيتى.
صبرى جدك عبدالرحيم هيشيع خلجاتك البسى من عند البنتة
حب حاضر ياجدى
طلعت غرفتها مع قمر وبدر وقمر احضرت لها جلباب لتستريح بية كان جلباب لونة بمبى بية خطوط سودة رفيعة وكان شكلها بية جميل اول مرة ترتدى جلباب
قمر والله الجلبية هتنطق عليكى
بدر ماشاء لله عليكى زينة البنتة
حب بابتسامة اول مرة البس كدة بس مريحة اوى تسلمى ياقمر وانتى يابدر قربتى تولدى وتسمى حب ولا مش عايزة بنت.
بدر كل مجايب ربنا زينة والله ماهكسر خاطرك ولو بت صوح هنسميها حب عشان تكون اسمها حب جمال عشان انى بحبو جوى
حب جوى جوى ههههه
جاء الثلاث اطفال
ادهم وصبرى وكامل
ادهم كيفك ياخالة اتوحشتك جوى
صبرى كيفك ياجمر انت ياجمر
حب هههههه جمر مين ياصبرى ماماتك اسمها جمر مش انا
صبرى بس انتى جمر برضك وعسل ابيض
حب ازيك ياكامل باشا طالع عاقل لابوة هههه مش كدة يابدر
بدر جمال حبة عنى من جوة.
ادهم ماانا عاجل كيف ابوى كامل برضك
حب طبعا دة ابوك كامل دة زين الرجال ياادهم باشا ههههه
صبرى هنلعبو مع بعض
قمر لا ياحبايبى خالتكم حب بعافية شوى بلاش لعب دلوك
ادهم سلامتك ياخالة
حب هات بوسة ياواد انت هههه
صبرى وانى مش هتبوسينى
حب دى انا هقطعك بوس وكمول كمان تعالو هنا ههه
في بيت المنشاوى
جاء عامر بعصبية بعد أن علم بخير خروج حب من المستشفى والذهاب إلى جدها صبرى العزازى.
عامر پغضب جدى ياجدى كيف توافج ان بت ولدك تروح تجعد عنديهم كيف عاوز افهم
عبدالرحيم ماليكش صالح عاد
عامر لا ليا ياجدى ولو شايف انى ظالم وباكل حج الناس يبج تجوزها لغيرى عنديك عمار وماهر جوزها لواحد فيهم بس تضل هنية ومش تخرج برة عيلة المنشاوى انا اضرة بمصلحت بت عمى وولد عمها أولى بلحمة من الغريب والمال والأرض مايطلعش برانة.
عبدالله انت اټجننت كيف تعلى صوتك على جدك وكيف تخلغط في الحديت انت اټجننت عاد مين يجوز مين ياولد اخوى ياعاجل طمعان في أرض عمك وكمان عاوز تجوز بتة عشان الطمع والجشع ومش همك مرتك وعيالك وكمان واقف جصاد جدك عينى عينك
